Χαῖρε Ξύλον μακάριον

Ὦ τρισμακάριστε Σταυρέ καί πανσεβάσμιε, σέ προσκυνοῦμεν οἱ πιστοί καί μεγαλύνομεν, ἀγαλλόμενοι τῇ θείᾳ σου ἀνυψώσει. Ἀλλ’ ὡς τρόπαιον καί ὅπλον ἀπροσμάχητον, περιφρούρει τε καί σκέπε τῇ σῇ χάριτι, τούς σοί κράζοντας· χαῖρε, Ξύλον μακάριον.

[Χαῖρε Σταυρέ, οἰκουμένης φύλαξ

χαῖρε, ἡ δόξα τῆς Ἐκκλησίας.]

[Χαῖρε, τό τῶν Ἀγγέλων γαληνόμορφον θαῦμα

χαῖρε, τό τῶν δαιμόνων πολυστένακτον τραῦμα.]

[Χαῖρε, ἀνάστασις τεθνεώτων

χαῖρε, παράκλησις τῶν πενθούντων.]

[Χαῖρε Σταυρέ, τοῖς πᾶσι σεβάσμιε

χαῖρε, ἐθνῶν ἀπίστων ἀντίπαλε.]

[Χαῖρε, ἐν ᾧ ὁ Χριστός ἐσταυρώθη

χαῖρε, δι’ οὗ πᾶς ὁ κόσμος ἐσώθη.]